படித்ததில் பிடித்தது – 12 [தார்ச்சாலை]

படித்ததில் பிடித்தது – 12 [தார்ச்சாலை]

தார்ச்சாலை

தார்ச்சாலை

காட்டுக் கோழியைத் துரத்தி வந்த
பூனை திகைக்க
வழித்தடம் மறிபட்டு
யானை ஒதுங்க
வலசை கிளம்பிய
கதிர்குருவி தடுமாற
காட்டின் நெஞ்சைக் கீறிக் கீறி
எழுகிறது ஒரு தார்ச்சாலை…

படித்ததில் பிடித்தது – 11 [உயிர் முத்தம்]

படித்ததில் பிடித்தது – 11 [உயிர் முத்தம்]

உயிர் முத்தம்

உயிர் முத்தம்

விளையாட்டாய்
விழி முடி அமர்கிறேன்
என்ன தருவாளென்று
கண்ணிமைக்கும் நேரத்தில்
மடியில்
தலைசாய்த்து
எனைத் தாங்கி
உயிர் முத்தம் தருகிறாள் …

படித்ததில் பிடித்தது – 10 [பூக்களைப் பாருங்கள் புரியும்!]

படித்ததில் பிடித்தது – 10 [பூக்களைப் பாருங்கள் புரியும்!]

பூக்களைப் பாருங்கள் புரியும்!

பூக்களைப் பாருங்கள் புரியும்!

பூக்களைப் பாருங்கள் புரியும்!
பூக்கள் ஒரு போதும்
புலம்புவதில்லை!

ஜன்னம்-
சகதியில் நிகழந்தாலும்
முட்களுக்கு இடையே
மோதலில் பிறந்தாலும்
பூக்கள் ஒரு போதும்
புலம்புவதில்லை!

தரிசனம் தந்து
கவலை மறக்க்க கற்றுத்தரும்
ஞானிகள் – மலர்கள்!
’பெறுவதைவிடத் தருவதே சுகம்’
இது –
மலர்கள் மெளன பாஷையால்
சொல்லும்
மகாதத்துவம்!

கிள்ளுகிற கைகளுக்கும்
கிளுகிளுப்பைத் தரும்
உன்னத உள்ளம்
பூக்களுக்கு மட்டுமே உண்டு!

எந்திரச் சக்கரங்களுக்குள்
நசுக்கப்பட்டாலும்
வாசணைத்திரவியமாகி
சாகாவரம் பெற்றுச் சரித்திரம்
படைக்கிறது!

பலன் தருவதே வாழக்கை
இந்த பாடம் படிக்கப்
பள்ளிக்கூடம் வேண்டாம்.
பூக்களைப் பாருங்கள் புரியும்!

படித்ததில் பிடித்தது – 9 [வாழக்கை]

படித்ததில் பிடித்தது – 9 [வாழக்கை]

படித்ததில் பிடித்தது – 9 [வாழக்கை]

படித்ததில் பிடித்தது – 9 [வாழக்கை]

நேற்று பெய்த
அடைமழையில்
கலைந்து போயின மேகங்கள்
நீலம் கலையாத
வானத்தில்
தனித்தீவாய் முழுநிலவு
நேற்று வரை
மனதில் நீங்கா பாரம்
இன்று தான் நிமிர்ந்து பார்க்கிறேன்
பால் நிலா ஒளியை
வாழ்க்கை இன்னும் இருக்கிறது
ரசிக்க…

படித்ததில் பிடித்தது – 8 [காலை எழுந்ததும் காதல்…]

படித்ததில் பிடித்தது – 8 [காலை எழுந்ததும் காதல்…]

படித்ததில் பிடித்தது - 8 [காலை எழுந்ததும் காதல்...]

படித்ததில் பிடித்தது – 8 [காலை எழுந்ததும் காதல்…]

ஒரு வாழ்த்து மடலுக்கான அட்டையை தேர்ந்தெடுத்தலில் செலவான காலம் சொல்லும் உன் மீதான அன்பை…

ஊட்டிவிடுகையில் விரலை கடிக்கவில்லையென்றால்.. அப்புறம் என்ன காதல் அது!

எத்தனை பூ யாருக்காக சூடியிருப்பினும் பதிணெண் பருவத்தில் நீ முள்ளின் முனை தாங்கி பறித்து சூட்டிவிட்ட கள்ளிப்பூவில் காதலுற்ற கள்ளி நான்.

சாக்லெட்டும் ஐஸ்கிரீமும் பல சுவைத்தாலும் பதிணெண் பருவத்தில் நீ களவாடி தந்த திருட்டு மாங்காய் தித்திக்கிறது உன்னை போலவே நாவில்!

பட்டு உடைகள் பல இருந்தாலும் பதிணெண் பருவத்தில் நீ இழுத்தபோது கிழிந்த ரோசாப்பூ போட்ட மஞ்சள் பாவாடை மனதுள் நிற்கிறது… உன்னைபோல்

படித்ததில் பிடித்தது – 7

படித்ததில் பிடித்தது – 7

படித்ததில் பிடித்தது

கனவு கண்டது போல்
கையில் குடையோடு வந்திருந்தாய்
உன்னை ஏமாற்ற மனமில்லாமல்
இறங்கி வந்தது மழையும்.
நீர்த் தாரைகளைச் சொடுக்கி
உன்னோடு என்னையும்
கரைத்துவிடுவது போல்
அடைத்துப் பெய்தது
அந்த அந்தி மழை.
சிரித்துக் கொண்டுபோய் மலர்த்தி
நீ பரிசளித்த குடையை
ஏந்திப் பிடித்துக்கொண்டு
கடலுக்குள் ஓடின அலைகள்.

உன்னைச் சந்திக்கும்போதெல்லாம்
தொலைபேசும் பேச்சிலெல்லாம்
கடிதம் எழுதும்போதெல்லாம்
உன்னைக் காதலிக்கிறேன்
காதலிக்கிறேன்
என்று மறுகுவேன்.

ஈரம் சொட்டச் சொட்ட
வெதுவெதுப்பான சொற்களில்
அன்றும் மறுகினேன்.

செய்துகொண்டிருப்பதை ஏன்
சொல்லிக்கொண்டிருக்க வேண்டும்
என்ற செருக்கிலிருந்தாய்
வழக்கம் போல்.

எப்போதும் உன்னைக்
காதலித்தேன் நான்
‘எப்போதாவதுதான்’ என்றாய் நீ.

மழை திடுக்கிட்டு நின்றது
பொழுதும் இரவாகி உருவங்கள்
இருண்டன.

ஏழு சொட்டு மௌனத்திற்குப் பிறகு
வானம் ஒரு நீள மின்னல் கொடியை
நீட்டியதுபோது
நடுக்கடலில் மொட்டாகி நின்றது
உன் குடை.

நெஞ்சில் மஞ்சள் ஒளிவிரித்து
உன்னை நான் மறந்தும்
என்னை நீ மறந்தும்
ஒரு கணம் நேசித்தோம்
கடலை!

படித்ததில் பிடித்தது – 6 [மகளெனும் தேவதை]

படித்ததில் பிடித்தது – 6 [மகளெனும் தேவதை]

மகளெனும் தேவதை

மகளெனும் தேவதை

தேவதைகள் பூமியில் பிறக்கிறார்கள் – மகளெனும் அடைமொழியோடு.

தேவதை என்றால் எப்படி இருப்பாள் என்று கேட்கிறாள் மகள். அவளைப்பற்றி அவளிடமே எப்படி கூறுவது?

புரை ஏறும் போது நாம் மெதுவாக தலையில் தட்டினாலும் வேண்டுமென்றெ இன்னொரு முறை இரும்மி தானே தட்டிக்கொள்ளும் என் மகள். அழகு!

நிலாச்சோறு மூன்று வகைப்படும்.

  • நிலாக்காட்டி சோறூட்டுவது (தாய்)
  • நிலாவே சோறூட்டுவது (மனைவி)
  • நிலவுக்கே சோறூட்டுவது (மகள்)

விழிகள் விரித்து தன் ஆசைகளை விவரிக்கிறாள் என் மகள். இந்தப் பிஞ்சு மனதில் இத்தனை கனவுகளையா சுமக்கிறாளென்று விழிவிரித்து நான்!